Hjúkrunargreining: Skert skynsemi...

Fyrir þá sem hafa verið að nýta sér vina linkana mína eitthvað þá langar mig bara til að segja við þá að ég er búin að endurbæta þá og uppfæra. Ég hef annars lítið að segja í dag, er bara að klára verkefni núna fyrir skólann og verð alveg ógeðslega fegin þegar það er búið....
Svo er ég að fara í óvissuferð á eftir og eins og góðri óvissuferð sæmir veit ég ekkert hvert á að fara eða hvað verður gert, sit bara hér og velti því fyrir mér til hvers skeiðin, bandið og sokkurinn sem við eigum að hafa með okkur séu kanski eigum við að sjóða eggið í hveri.... svoleiðist hefur þekkst áður.... hahaha... skeiðin til að borða eggið og bandið til að binda sokkinn svo við brennum okkur ekki hverinum..... já mar.... ég held ég hafi bara fattað þetta djöfull er ég gáfuð stundum.... bíðum bara og sjáum til hvers þetta er..... Jæja... búin að babla nóg í bili, þarf að klára þetta blessaða verkefni.... bæjó spæjó.... læt vita fjlótlega hvernig var í ferðinni...

Takk fyrir góða svörun við síðasta bloggi :) Ég held ég geymi það að skrifa um góða bók, aðallega vegna þess að það er orðið ansi langt síðan ég las eina svoleiðis. Er að vísu að rifja hægt og rólega upp Hvítt skítapakk og flekkóttur svertingi sem er eftir sama höfund og skrifaði Steiktir grænir tómatar. Hún er alveg æði og mæli ég hiklaust með henni fyrir stelpurnar, ekki eins fyrir strákana en það skiptir ekki máli því það eru engir strákar sem lesa þessa síðu ( fyrir utan orra kanski ). Einnig þá langar mig bara til að nota tækifærið og segja frá þeim skemmtilegu fréttum að ég er að bjóða mig fram í skemmtanaráð Curator (félags hjúkrunarnema). Ég held við séum enn bara tvær sem erum búnar að bjóða okkur fram.... Humm... bara betra, öruggt að ég fái starfið. Djöll held ég að þetta verði gaman hahaha voðalega gaman. Þetta held ég að verði bara skemmtilegt, auðvitað fullt af vinnu og svona en það er bara holt að hafa eitthvað meira en eina blakæfingu á viku sem áhugamál. Jæja.... farin að halda áfram með þetta leiðinlega verkefni sem ég er að vinna að.... það er að vísu ekki svo leiðinlegt með rauðvínsglas við hliðina á sér og rauðvín í mallakút... það er eiginlega bara dáldið gaman

Ég er búin að vera ógeðslega dugleg þessa helgina þannig að ég ætla að taka mér smá tíma núna til að blogga... hef unnið mér inn fyrir því En mig langar ekkert til að tala um daginn og veginn... Ég hef komist að því að fólki finnst ekkert gaman að lesa blogg sem fjalla bara um hvað aðrir eru að gera þann daginn. En ég hef enn ekki komist að því hvað það er þá sem fólk vill fá að sjá á þessum bloggum. Ég veit að fyrir mitt leiti þá er ég voðalega hrifin af skemmtilegu dóti sem kemur manni til að hlæja... Eins og kötturinn hér til vinstri og svona.... mér finnst líka gaman að heyra góðar fréttir, brandara og þegar einhver skemmtileg umræða kemst á loft.... En þetta er bara eitthvað sem mér finnst.... væri mikið til í að heyra hvað þið lesendur þessa bloggs hefðuð um þetta að segja. Hvað viljið þið sjá?? Vonandi er ég ekki með svo leiðinlegt blogg að það hefur fælt fólk frá en þá er kanski kominn tími á einhverskonar endurnýjun eða einhverskonar tilraun. Þarf eiginlega að sofa á þessu, er ekki með neina hugmynd að einhverri tilraun Einhverjar tillögur??? jæja... farin að halda áfram að vera dugleg ef mig langar einhvern tíman að verða góð