Hjúkrunargreining: Skert skynsemi...

Jæja. Ég er ekki að nenna að læra, enn einn daginn í röð. Eins og Orri var að tala um á síðunni sinni þá fer maður að blogga í staðinn fyrir að læra... finna sér eitthvað annað að gera en að læra.... nenni ekki að læra.... þarf sammt að lesa :( Ég er sammt ekki að lenda í vandræðum með neitt sérstakt, aðallega hluti sem eru í verklega hlutanum. Það er t.d. hægt að banka út ákv. líffæri, eins og t.d. lungun, lifrina, nýrun og svona. Maður á að heyra mismunandi hljóð eftir því hvar maður bankar. Úff... Þetta er ekki auðvelt skal ég segja ykkur. Að reyna að banka út líffæri í verknámsstofu þar sem er mikill kliður. Þetta er ekki einusinni auðvelt þótt enginn væri í kring og það væri algjört hljóð. Og ef einhver getur sagt mér hvernig hljóð "tympany" er!! Ég verð sammt að viðurkenna að mér finnst þetta mjög merkilegt fyrirbæri. Hverjum ætli hafi dottið þetta fyrst í hug að banka út líffæri? Einhver með alveg svakalega mikla þolinmæði. Þetta er sammt alveg drullu merkilegt að þetta skuli vera hægt. Það er t.d. hægt að mæla þan þindarinnar. Eðlilegt þan þindar er t.d. 3-6cm en fólk sem hefur þjálfað hana vel upp eins og óperusöngvarar t.d. geta haft miklu meira, held hún hafi meirað segja sagt alveg upp í 12cm. Merkilegt. Einnig geta eymsli yfir nýrnasvæði við svona bank verið gott merki um sýkingu í nýrum. Ég verð að játa að mér finnst þetta dáldið skemmtilegt þótt ég sé engan vegin góð í þessu. Ég er eitthvað svo hrifin af svona aðferðum sem notaðar eru til að finna hvort eitthvað sé að hjá fólki og hvað það þá er. Líka dáldið hrifin af einföldum lausnum sem fólki dettur í hug til að lækna eitthvað. Skal reyna að finna góð dæmi um eitthvað næst þegar ég skrifa.... getur ekki verið of mikið vesen að finna góð dæmi :) jey.... ætla að fara að finna eitthvað núna :) jeyjj

Jæja. Þá er hillan alveg að verða búin. Ég á bara eftir að pússa hana aðeins til þá verður hún flott. Jeyj.... Ég er búin að vera að vinna í hillunni alla helgina og kláraði það sem ég gat í dag. Eiginlega er ég ánægðari með lampann sem ég málaði en það er eiginlega bara að bíða og sjá hvort hillan skáni ekki eitthvað.... ef ekki þá bara kaupi ég meiri málningu og mála hana aftur :)
En núna verð ég eiginlega að fara að taka mig á í náminu. Er ekki búin að sinna því nóog vel... langar bara ekkert til að fara að lesa en verð eiginlega áður en ég klúðra önninni alveg. Er bara eitthvað ekki í stuði núna. Er dáldið þreytt eftir alla vinnuna við að pússa upp þessa hillu. Fór líka til Jóns og Huldu í gær í þorramat og hann er ekki að fara vel í magann á manni. Á að vera í átaki núna og maginn á mér er ekki að þola alla þessa fitu.... úff.... En þetta var voðalega gott. Gott að borða í góðra vina hóp. Er ánægð með okkur fyrir að hafa vippað upp þessu blóti, þrátt fyrir magavesenið. En núna verð ég að fara að læra og það sama gildir um ykkur öll sem eruð að skoða þetta.... hættið á netinu og farið að læra.... :)